香港新浪網 MySinaBlog
B女 | 27th Apr 2009, 21:23 PM | 一般 | (20 Reads)
昨天去了醫院探望我的媽咪,幫她盛水洗手洗臉的同時,令我想起小時候,她幫我洗手洗臉的情境,對我來說,她從來都不是一個嚴厲的媽咪,可能我在家中是最細的吧!不過她還是重男輕女的,像一般的潮州人一樣~有事發生了, 都是想有兒子可以在身邊,可以有個倚靠,但是事與願違! 有時候想到自己一直都家中的付出, 可是有事上來,從沒有人記得,心裡會有些埋怨,有些不平,但是我二個家姐又何嘗不是呢,她們付出的是時間,心機,愛心.我付出的只是金錢,物質,沒什麼可埋怨的,當你去到醫院,看見她見我來開心的樣子,你會覺得等車等多久,回到家要多久都值得了 以前是她照顧我們,現在她已是一個又聾又行動不便的老人,到我們去照顧她了~有多少時間讓我們可再照顧她,我不知道,但不管在家裡,或是在老人院...我都希望媽咪開心快樂...!!

B女 | 11th Jun 2008, 12:11 PM | 不一樣的媽咪與非一般的仔 | (215 Reads)
大少突然好積極咁溫書,星期六日一都去左自修室到溫習,我有點兒老懷安慰,但係唔想高興得咁早,等考完就知道龍定蟲了~前排仲好擔心佢比情所困,好彩佢都把注意力集中係書本上,希望阿仔你加油丫~媽咪煮多d 好嘢食等你放學回來食~emotion

B女 | 19th May 2008, 10:32 AM | 一般 | (216 Reads)
昨天又頭痛,頭到死死下,起唔到身咁滯,今日個背脊又痛到死,唉,攪到無晒心機做嘢,究竟我係唔係患左絕症丫?

B女 | 21st Apr 2008, 09:48 AM | 一般 | (214 Reads)
昨天去了拜山,星期六黑雨,都好擔心拜唔到點知星期日天氣轉晴,我老公d兄弟到晒係個妹無嚟到,但兄弟d仔女就一個都無到除左我個仔,唉!我老公就係度同我依依哦哦,今次我都有同感,真係拜山都唔嚟,第三叔仔個老婆仲離譜,拜左太爺個墓就番左奶奶到,連我老爺山都唔拜,唔知佢搞乜,拜完就去奶奶到食飯,佢地二公婆又唔食要走先~唔知點解我都開始對佢地有些不滿,唔知係唔係近得我老公多呢...其實都唔關我事,對我都無影響架,點解我會不滿既呢?

B女 | 14th Apr 2008, 12:21 PM | 一般 | (214 Reads)
最近睇新聞,睇到人搶聖火,潑水,我都唔知佢地為乜,搶到咁又點丫,要令中國無臉?還是搶到了,西藏會馬上獨立?反而我對法國好反感,保護不力,好似特登咁,奧運喎,唔係關於運動既咩,點解成個焦點放在係西藏獨立既事上面?點解咁多無謂人做傳聖火既跑手?點解d 嘢咁貴好?點解我買菜問佢幾錢既時候佢竟然答我一元兩喎!點解罐頭要加價加到咁厲害?點解點解股市今日又跌?好多都無得解,解比我聽我都唔會明,所以~~~繼續做我既師奶。

B女 | 14th Apr 2008, 12:16 PM | 一般 | (209 Reads)

比想像中差,不過我喜歡張艾嘉!

最感人都係苗可秀同古天樂既母子情,反而同個女都唔係描寫得好好,同埋佢同奶茶既感情都唔係寫得太深入,太過一廂情願!


B女 | 13th Mar 2008, 10:40 AM | 一般 | (238 Reads)
我同學跟她那個大她19年的男友一起了都17-18年了,男人都快60歲了吧,但在這時候還喜歡了一個30歲多的女人,女同學傷心之餘,花錢找私家偵探,跟蹤男友,起清他們的一切,誓言不會原諒男友的種種,但是最近收到女同學的狀況是,她們又在一起了,聽到替高興之餘,還有一點點悲哀,女人年華逝去,面對男友的不忠,只有無奈選擇了原諒,不管這個原諒是,從心打底的原諒還是無奈的原諒,女人就是比較是心軟和慣性的動物,習慣了身邊有他,習慣了大家的脾性,如要從新去習慣另一個人的確是不容易,也沒有那種心情和時間去適應,所以當男人後悔了要回來你的身邊,你還是選擇了原諒~~~~~哀!!!!!!

B女 | 10th Mar 2008, 09:29 AM | 一般 | (221 Reads)
昨天去了和合山拜我老豆,好熱閙,除我我阿媽無嚟,所有兄弟姐妹都嚟晒,包括d阿嫂同姐夫,真係好難得,過年都好無咁熱閙,之後同阿哥家姐一行六人去左坐纜車,唔駛點排隊喎,好快就上到,68元單程,因為我地要去大澳,所以無買套票,風景真係好靚喎,架車仲定過海洋公園果架添,仲就不時見到d 人行山,佢地真係好叻,個山咁高,仲有d係小朋友嚟添,香港人真係越嚟越中意行山了~昨天天氣雖然不是最好的,有些煙霞,但是都無損風景的優美,還有陣陣的山風,很怡人,但是一架車要坐好多人,(最多可戴17人,有企位的)我地就坐左9個人了,要跟不認識的人坐在一起,有些美中不足~跟住我地又去左大澳逛逛,食下豆腐花和煨魷魚,咁就一日了,真係好累,坐車都坐到暈..我三嫂最後都頂唔順要走先,我同我家姐就食埋晚飯要散band了~

B女 | 19th Feb 2008, 09:35 AM | 一般 | (245 Reads)
昨天又和同事食飯,去左沙爹王,有對姐妹叫左一碗湯河,二份食,個家姐一碗仔都食唔晒,個妹另叫左碟雞翼,有4 隻,食左一隻,就話飽,另外一個女同事就叫左碗金邊粉,食左三份一就食唔晒,我一早就食晒碗豬扒米線,個男同事就梗係食晒碟飯啦,我一早食完睇住個三位姐姐,我突然覺得我好大食,同埋好肥...

B女 | 15th Feb 2008, 09:40 AM | 牢騷 | (273 Reads)

想講,但唔知....唔知點講...昨晚總之心情好 down,一路喊一路睇電視,跟住瞓覺.....


Next