香港新浪網 MySinaBlog
B女 | 13th Feb 2008, 11:34 AM | 一般 | (267 Reads)
昨晚打邊爐,見到隔離枱有個27-8歲既女仔係度等人,無幾耐,有個4,50歲男人嚟到,二個都好斯文,著晒行政套裝,但係個男人一嚟到就扔左個袋比佢女友,我都覺得佢好無禮貌, 個女仔即時問乜嘢嚟架,跟住就拆開份禮物,點知個女仔一打開就好大聲咁講,咁舊款既,有無攪錯丫,佢咁大聲,我梗係望下佢啦,係一部 nokia既 手機,個女仔當堂黑面,個男人我就聽唔到佢講乜了,跟住話呢份唔算數喎,我朋友話呢d 女仔要即場飛左佢,咁無禮貌都有既,我同事就話呢個男人即場down 晒,我旁觀者梗係睇得開心啦!但係我都要提醒女士們,幸福不是必然的,好好真惜身邊的人啦~

B女 | 11th Feb 2008, 09:26 AM | 一般 | (202 Reads)

睇左長江七號,功夫灌藍,魔法奇緣~三套都麻麻地架啦,不過都總算好過無啦,真係各有特色,要彈既套套都有得講,不過新春頭,過下日神未算囉,難得三套我老公都陪我睇晒,算係咁架啦!

今日又要開始返工啦,今年我犯太歲,雖然我唔信既,但係我都要努力加油丫,希望今年順順利利~yeah!!


B女 | 1st Feb 2008, 09:40 AM | 一般 | (233 Reads)
昨天公司食飯,去左飲茶,隔離位姐姐,食左一粒花生同一粒擂沙煎堆,咁就話飽,我地即刻望住佢,佢唔食都唔緊要,最衰係叫嘢食之前,又話呢樣好食,果樣唔好食,嚟左又唔食,真係好吹漲,又懶識食咁,話呢樣果様,d嘢食嚟又唔食,唔通要嚟聞既?咁下次買支香比佢聞得啦?駛乜同我地一齊食飯者...

B女 | 31st Jan 2008, 10:03 AM | 一般 | (216 Reads)

去到旺角某商塲地庫,同事F~join 左二年,會員可免費帶人試玩一堂,當然世上沒有免費的午餐,一定會有人推銷架啦,做完之後有個所謂既consultant走嚟sale你,我同另一個同事S~都楂定主意唔join ,佢對我既同事懶係friend 咁,講嘢又串,我即時已經唔中意佢,同埋好唔專業.我同事F~係一個超肥既女仔,20歲左右,梗係比佢氹到啦.我呢d師奶梗係唔受佢一套,到玩完,巡例都要走嚟同我和S,SALE我地入會,講左一大輪癈話,我都好串下,跟住叫佢入正題,佢問我地有無興趣修下D 拜拜肉,我即刻話無,跟住同S起身走人,我覺得間嘢好有問題,搵D靚仔氹D無知既女仔,不過而家好多都係咁...一個願打一個願捱,不過我有得免費玩,同見識下都好既,要多謝F同事咁有錢,哈哈!


B女 | 21st Jan 2008, 19:25 PM | 一般 | (495 Reads)
激死我,一套垃圾片,仲要拍到搖來搖去,比個片名 呃左我錢添,,,好揼心丫...未世凶煞....我頂佢個肺~好耐無睇戲,一睇就呢套爛片...妖!

B女 | 21st Jan 2008, 19:18 PM | 一般 | (214 Reads)
終於經理請左個新人返工了,真係乜都唔識,不過算啦,有邊個一生出嚟就識做先得架,要慢慢教囉,好似我咁,我初初都係十下十下咁啦,終於咪做左二年囉,但係個經理又唔識教人,d同事個個都忙到死,睇下個新同事捱唔捱得到落去,捱到三個月應該好快適應~

B女 | 17th Jan 2008, 11:03 AM | 牢騷 | (81 Reads)

好無聊,好無聊,為左佢細佬既女既婚宴嚟嘈,飲完之後,係咁話男家唔識做,呢樣果樣,我心諗你又好識做咩,咁多事做乜,真係好多餘,講多句佢就翻臉,講粗口鬧我,我就即時問佢做乜講粗口,我今次真係唔會再比臉佢,同佢坳到底,佢講一句,我駁一句,頂到佢行...跟住唔夠我講,佢就攞自己身體唔舒服,.心有事嚟做借口.話我唔讓佢,以前唔死都係全靠我(血壓高,話我激佢唔死),我當堂嬲到死,我話唔好再嘈,你中意就返大陸搵個二奶,又平又靚又聽話既番嚟,佢話我轉話題,我話大家唔好講嘢,佢話唔講咪唔講,我話好丫,睇下你忍唔忍得住,跟住佢仲要係咁鬧,話我唔知乜野人,跟住係咁鬧個仔,唉.....佢咁樣對個仔,第二日佢就知味道!!


B女 | 15th Jan 2008, 09:52 AM | 一般 | (507 Reads)
昨晚和同學一共四個女仔去左水車屋食日本放題,$198+10%!(任飲要加多73元痴痴地) 一人有一客海胆手卷(再order要比錢),刺身有三文魚,赤貝,甘蝦,北寄貝,帶子,劍魚....都幾新鮮係甘蝦麻麻地,多款壽司,手卷我無食到,天婦羅,蝦,蕃薯同南瓜都好好食,熱辣辣,鍋物就麻麻地,串燒都一般,甜品有燒菠蘿,芝麻布甸,綠茶紅豆(紅豆好生,好硬),,跟住同同學傾開計,都概嘆以前去水車屋食日本嘢係身份既象徵,而家都要攪個$198既放題~不過求變係啱既!!

B女 | 14th Jan 2008, 13:40 PM | 一般 | (73 Reads)

個台灣婆做左咁耐都係仍然咁白痴,唔知係我講解能力差,定係佢理解能力弱,真係好想鬧佢正一死白痴,如果唔係有老闆娘呢果靠山,佢死左好耐,所以話打工仔,無人事關係勢起假,一個乜x都唔識既闊太,只會用錢打動d同事,要同事幫佢手做嘢,又公私不分,自以為是,以為自己好有高見,好有見地,真係吐血,

公司最近請人,佢負責面試,竟然可以求求其其,話要合眼緣,好,,呢樣都由你,跟住公司最基本既要求,要識講普通話同打中文字,佢都只係問下你識唔識,(仲要係我提佢),我話你唔試下面試d人,佢話唔會用呢樣嘢去衡量一個喎,仲要好似好識嘢咁講,我真係比佢吹漲!都係我多事,我應該收聲,繼續上我既網!


B女 | 2nd Jan 2008, 20:35 PM | 一般 | (56 Reads)

07年我睇既最後一場既演唱會,劉德華真係好識冧fans,個個都睇都好開心,包括埋我,二個xo 仔出嚟唱無間道好好笑,同埋變衫都好精彩,閃電同吊威也很創新啊~又識得攪氣氛喎,真係好好睇丫~不過坐得太後無影相,,,可惜!!


Previous Next